GIKUYU 14 - 01

1. Hingo ya rugendo rwakwa ndorete Matu-ini. Riria ndiguku thi, nduraga mbara-ini, Ngoro yakwa yetereire. Mwago wa Matu-ini.   2. Muturire uyu ndinaguo Muoyo-ini wa Mwiri, Ngai ndaguthaitha, tondu ninyonaga, Uturo wakwa nduri thi-ino gwitu ni Matu-ini.   3. Maundu maria nyonaga riria ndi guku thi, Mega kana moru manyonagiriria, Ciothe cia thi ino igathira na no cia guthira.   4. Muoyo wa Mundu utuiriirwo matuku manini, Maguikara thi-ino, witikie Mwathani, Warega no wetereirwo giti-ini gia cira.   5. Wona warega Mwathani, ni ukarira wona, Ati igai riaku, ni ruo na kieha, Mwaki-ini utahorekaga wa tene na tene.   6. Ngoro thingu na horeri ciyuirwo ni utheru Tiitheru igakena, muthenya wa ituiro Na maheo …

1. Andu aria athingu na ahoreri, Me ngoro njenga ciyuire tha Nimi ciao itari njambanio, Ta kimaiguei, uria marathimitwo, Ni Roho wa ma.   2. Mahana riua rikiratha, Rirathaga nduma igathira, Andu othe makarikenera, uthingu uhana Ta itu riri na mbura riarikia kuura.   3. Anabii othe na atumwo othe,  Moragirwo makiruira, Ngoro iria thingu na horeri, itigathahio, Uthingu ni uthamaki wa kwihokeka.   4. Nao aria mari uthu na uthingu, Na nimathuire uhoro wa ma, Roho oigire metagwo ithuki ,na miti miumu, Ningi metagwo miigua na ni marima.   5. Ugi wothe wa ngoro ciao, Meninaga naguo magakua, Meciria mao magathuka, o ta ma nyamu. Ngoro ciao ikarura,gukira nyongo.   6. Kirathimo kiao ni giki:- Kiria Roho amarathimiire Na igai riria makagaya hari Jehova . Nimarakara mahiu o na kirumi.   7. Muti uria wambiirwo Mwathani,  Gitina-ini hari uhonokio.  Niho he mai ma gwithamba, mehia mathire.  Uthingu ni uthamaki wa kwihokeka.

1. Kumenyerera watho wa Ngai, Nikuo kumenyerera Muoyo na ugi. Na irikaniro cia Mwathani, Iria arikaniire na Atheru.   2. Tigai thiritu na aremi, Matu-ini ngerenwa ciao ni cia ruo. Nimaregire kirathimo. Mwigunyi wao no kirumi.   3. Wimenyerere ndugakorwo, Nikuga ugaga ndeto na miromo. Ngoro-ini kuiyuire waganu, Jesu ni abatairio ni utheru.   4. Wona waga kwimenyerera, Roho Mutheru ndari rumwe na irimu. Nacio ni igatwarwo na kiguu Niundu wa kwenda gwitongoria.   5. Ratiri yama ya gwithima, Ni ngoro yaku wona waga kwirigwo. Withime umenye kana niguo, Roho Mutheru agutaraga.   6. Roho ni muira wa ngoro-iria Ciendete Mwathani nama itari nganja. Na witigiri na wathiki, Ciirigiriire kirathimo.   7. Mwathani ni akagathiriria, Aria metereire mateguthethuka, Ngoro ciyuire wihokeku, Na ukiririria wa mathina.   8. Roho mutheru arikia wira, Niagatongoria Atheru niguo tuinuke. Muciri mugi tukamuona, Giti-ini giake gia uthamaki.

1. Ndaturaga thi-ino Ndarii ta mugendi Uhititie njira. Haria ndoimiriire, No hari aria mari, Na uhinga ta muici Kana ta mutegi utegete nyoni.   2. Ngiurwo ni mahinda Makumenya Jesu Ni Muhonokia. Ni mukuri wakwa, Nyite watho wake Riu ndi guku thi ngimenyaga noguo Ukanginyia iguru.   3. Hindi iyo gutiari, Wakunyonereria, Njira ya utheri Ni Mwathani wakwa, Wanjoire ndi nja, Ya uhoro uria wama, Akindugamia wega njira ya utheru.   4. Na inyui ni ngumwira, Munyitite njira Ya guthii iguru. Mwimenyererei Thu ya ngoro cianyu, Iikaire njira-ini na Mugambo wayo nota maguta.   5. Na muoroto wayo Nikuhitithia andu Njira ya utheru. Inyui mwiririirie. Gukinya matu-ini, Muikare utheru-ini Muthenya wakinya no tukambata.   6. Na hindi iyo noguo Mukamenya wega No ndamwiraga. Mukiona aria athingu, Maikariire iti iria, Mathagathaiirwo. Kuma muthenya uria Thi ino yombirwo.   7. Tugakenaga atia Twamenya ati ngoro niciahuruka, Mathina ma thi ino, Na mbara cia thi ino. Thu cia uhor...

1. Hingo ikirie guthira, ya Roho guthaithana. Nario ihinda rikinye, ria kieha na maithori.   Njuthiriirie kabiru, karathima urungaru Wa ngoro cia aria atheru, Roho akirie kwambata.   2. Roho ari na maithori, akiririra ngoro iria Ciagite wihokeku. Roho akirie kwambata.   3. Matuku ma ithiriro, no maya turi namo. Mundu mugi niamenye, Roho akirie kwambata.   4. Maruri ni moneku, twetereire Mwathani. Na migambo ya coro, Roho akirie kwambata.

1. Mwathani oigire twi ciana ciake, Gutiri ungi ungigia iguru ritu, Twarihiirwo thiri ni Mwana wa Ngai Agithinjwo atuike igongona, Ria gukura mioyo kwa ngoma.   Andu aria Mwathani eyamuriire, Gutiri mundu ungitucirithia, Thakame ya Jesu niyo itutuite Atheru kinya kuma iguru: Turi aitiririe Roho Ngoro   2. Mahinya mathi matingihota, Gututigithania na wendani; Uria Gaturume atwendete naguo, Ng’aragu kana kwaga nguo, Na kunyarirwo na kuragwo.   3. Mwathani oigire turituagwo Ta turi mburi ciaguthinjagwo; Tondu Araika othe a mucukani, Ni mahuranaga na Roho; Roho akamahota na utheru.   4. Roho acayagiira ngoro thi-ini, Akiririra mioyo ya andu othe, Athaithanaga na ruo ruingi Ngoro itigage mathangania; Atumiruo oigage O Baba o Baba.

1. Onaingikorwo nduraga thi-ino na maithori Ngwiyuria na ngoro yakwa no ngakinya iguru Ni njui no ngahotana ni ninjirigiriire. Gikeno giakwa ni njui ngatura na Jesu.   2. Hatari nganja ni njui rugendo-ini rwakwa. Hinya na uhoti muingi ma hetwo ni Mwathani Ndiri hingo ngetigira hinya wa Shaitani. Gikeno giakwa ni njui ngatura na Jesu.   3. Mbara ciothe na magerio rugendo-ini rwakwa. Ni njui ni kimenyithia ndiri wa guku thi. Muthenya ukirie gukinya ndonye kihuruko. Gikeno giakwa ni njui ngatura na Jesu.   4. Mwathani ni anjuthiriirie riu ndi mbara-ini. Kana ninguhotanira thumbi ya uthamaki Ndarikia kuhotanira nyambate matu-ini. Gikeno giakwa ni njui ngatura na Jesu.   5. Ndihokete Mutongoria Roho wa Mwathani Ona nduma ingineneha na mbara iingihe. Caitani niagaconoka ndahota mbara-ini Gikeno giakwa ni njui ngatura na Jesu.   6. Ngoro yakwa tiga guoya kana mathangania Ndiri hingo ngaconoka uthiu-ini wa Mwathani. Mucemanio-ini wa Atheru giti-ini kia unene Gikeno giak...

1. Wihoke Mwathani rugendo-ini Na umumenye wega utari nganja Ona wona thina tiga guoya Wi guoko-ini gwake ndukahotwo   2. Ndugathikiririe ndeto cia andu Riria wina hinya menya wega Ni witikiritio umenyithie andu Jesu ni Mukuuri wa kirindi   3. Aria mari mbere rugendo-ini Mbaara ya mwiri-ini maikaire atia Na kwari mathina rugendo-ini Na ikeno na miago ya guku thi?   4. Marumagirira hindi ciothe Roho mutongoria maiyuritwo Ni wathiki muingi rugendo-ini Nginya magitoria mbara cia thi   5. Tiga kuoyaniria mundu witu, Uthamaki wa Roho na wa mwiri Ndungihotaniria ndaguthaitha Tigana na mwiri uthii rugendo   6. Na ukire na ngoro umenye wega Meciria ma mwiri mendaga atia Mendaga gutiga waga muoyo Na mwiri ugatigwo utuike tiri   7. Cuthiriria Jesu Mwendwa witu Ritwa riake etagwo Wa mathina Ni atoririe magerio na thina Niguo tugakinya gwa Ithe witu   8. Aria maregire uhoro wama Makiuga ni ahuthu rugendo-ini Matiri na uturo gwa Ithe witu Kuria metereirwo ni mwaki-...

1. Nyitite rugendo ndorete mbere, Ndihokete Jesu no ngahotana. Riria kuri thina kana gikeno.   2. Thutha ndiri kindu njirigiriire, Thahabu na betha itiri na bata. Ndihokete Jesu no ngahotana.   3. Ngwiyuria ngoro-ini nginyite taha, Muthenya wa ituiro ukirie gukinya. Atheru tuthamake hamwe na Jesu.   4. Nacio ita cia Araika ni thagathage, Irorete mbara-ini kirai muigue Mugambo wa Jesu ugiathana iguru.   5. Riu coro wa ita ukirie kurira. Jesu acoke agwete ruhiu rwa igetha. Magetha ma Roho no ta makinyu   6. Oke agethe iria cia guthii muoyo-ini Na mahuti mothe macokererio Moywo maiko riko matiri bata.   7. Ngumo na miihitwa ya athamaki a thi Ni igatuirwo ciira utari ngarari Moywo maikio riko makiriraga.   8. Hindi iyo aria atheru ni tugakena Ithenya ria mathina na mbara nene Na kumenwo kuingi niundu wa Jesu.   9. Tukaheo thumbi na ikeno nyingi Ni ithui twethurire ngoro na Miiri Gukua na guthinio niundu wa Jesu. 

1. Nimenyaga wega rugendo-ini, Thi-ino gutiri na uturo wakwa. Ndi Mugendi guku njetereire, Muthenya wa Mwathani.   2. Nyonaga wendo wa mwiri wakwa, Meciria maguo no ma guku thi. Roho wakwa aturaga mbara-ini Riria ndi rugendo-ini.   3. Thi-ini wa Roho hari gutoria, Wendo wa mwiri na hinya waguo. Niwe mutongoria rugendo-ini Matuku ma guku thi.   4. Ninjui wega itari na nganja, Ndehitha he Roho ndikahotwo. Nimuteithia wakwa rugendo-ini Ndatura thi-ini wake.   5. Muthenya wakinya Jesu acoke, Karumbeta kahuhwo riera-ini. Ningakena hamwe na aria atheru Mahotete mbara-ini.   6. Hindi iyo ngerorera na maitho, Tuhumbitwo riri wa gutoria. Mwago ucio na ikeno cia matu-ini Twakinya gwa Ithe Witu.

1. Rugendo rwakwa rwa muoyo, Ndina thina ndi guku thi. Ngakenaga ndanina rugendo ruru wega.   2. Muthenya wakwa wa muoyo Ngakenaga ndona Jesu. Tondu niwe unyonagia njira ya muoyo-ini.   3. Anyonagia njira wega, Hingo ya rugendo rwakwa. Ndingirigwo ni njira ya muoyo rugendo-ini   4. Ikeno ciitu cia muoyo Tunanagie twi guku thi. Tugakena twakinya matu-ini twina Jesu.   5. Tuikaranagie na wendo, Twetereire tugatonya Uthamaki-ini witu kuria iguru tugatura.   6. Tugaturania na wendo, Thina twanona guku thi. Na maithori rugendo-ini rwitu ni igathira   7. Tugatura tukenaga, Tukiinaga rwimbo rweru. Rwagutoria gikuu na mathina rugendo-ini   8. Ngakena muno ndamuona, Muoyo wakwa ni ugatura. Na gikeno ngaturania nake nginya tene.   9. Meciria ma mwiri wakwa, Ndingimenda rugendo-ini. Tondu ni mekuhitithia njira rugendo-ini.   10. Muthenya uria ngatiga, Mwiri wakwa thi ino wothe Ngakena ndatonya muoyo-ini utagathira.

1. Aria mokiiririe iti cia uthamaki Uyu wi guku thi makinya matu-ini ni magakena Makiheo thumbi cia uthamaki Uria utagathira tene na tene.   2. Kigiriko kiingi ni gikoneka, muthi wa ithiriro Tondu athamaki a thi ni makoigaga Jesu ni ariukire na twoi tiguo, Riu ari gucoka na unene wa Ithe   3. Hindi iyo thi yothe niigathingitha Na mahinya ma thi mothe magatuika tuhu mutheri Na miago ya thi-ino yagirwo bata, Niundu wa kieha na kinyaririko.   4. Ciana cia uthamaki mwi rugendo-ini Inagai ouguo mwakinya matu-ini ni mukainira Jesu muthamaki rwimbo ruthaka Niahotete gikuu tene na tene.   5. Gikuu na kwa ngoma itiri na hinya, hau ni murango: Njira ya kwambata tukinye iguru, Jesu ni ariukire na akihingura, Njira ya muoyo-ini tukinye iguru.

1. Kiambiriria gia gutuonia, Jehova ni mutheru Ndari itheru ningi e uiru, riria ekuuga Mathani.   2. Ni Adamu uria wahetwo, uthamaki wa thi yothe Na akihumbirwo na unene, akihana ta ari Ngai.   3. Erirwo atuure athiaga, thiritu na Jehova Na egitagie kigunyi-ini, kia muti uria wa muoyo.   4. Maathani maria aigiriiruo, ahenio akimarekia Ngai akimuiguira uru, akimutunya uthamaki.   5. Ngoro yake yatigirwo, njaga itari na nguo Na igithengio kigunyi-ini, agitwarwo thi iria nyumu.   6. Mugunda wothe Jehova, akiuthiururukiria Na hiu cia ririmbukaga ta mwaki uria ugwakana.   7. Kurathimwo ni igongona, ria mundu uria mutheru Tondu arutaga igongona, magikenia Jehova.   8. Nyumba yake ikirathimwo, na irathimo cia iguru Na ciana ciake igutuura, irathimagwo ni Ngai

1. Nitukoima thi ino nduriri ciothe. Tukinye iguru. Nitukona Mwathani uria utwendaga, Twakinya iguru.   Nitukaina nyimbo ho, Tugakena muno twakinya iguru Ningi tuone uthamaki, Wa Jesu riria tugakinya iguru.   2. Nitukoima thi ino na akuu mariuke, Twakinya iguru Matigacoka kuona gikuu ringi,  Twakinya iguru.   3. Matu-ini mutharaba-ini wake, Twakinya iguru Tukeruha weru gukira ira, Twakinya iguru.   4. Matu-ini twarurungana, ithuothe, Twakinya iguru Nitukona Mwathani uria utwendaga, Twakinya iguru.   5. Matu-ini tutikariaga irio, Twakinya iguru Tugatura miaka na miaka yothe, Twakinya iguru.